Mi 16 thi, 150,000 umnak cer

Philippians ramah ruah sur tamtuk ruangah Manila khawpi le a kiangkap ah tilian/tilik ciamco ih mi 16 thi zo, mi 150,000 hnakih tam umnak cer tiah, Kuwaittimes in tuni ah a puang. Mi 9 cu leimin ruangah an thi ti a si. Tidai hin khawpi hrek hnakih tam a cim zo ih, ruahpi a sur lai ding ruangah tidai khal cu a tam vivo ding tiah an zum. Cun, tidai hi a tam zetih, hmun hrekkhat ah cun hngawngtiang (neck-deep) a si, lilawn pawl a cim, intlun a cim, leimin. Cun, kan dung zarh ah Typhoon Thlipisia le ruahsur ruangah mi 50 hnakih tam an thi zo. Mipi 80,000 hrawng cu Tlawng le sorkar building tum ah an um.