PU LALNEIA (Kum 86)

1.      A Pian leh Murna

Ex. Copl. Lalneia (Hualngo) hi kum 1925 khan Chin State, Falam bial, Tlangzawl khuaah a piang a. Pu Khuangpuma leh Pi Kulhzingi te fa 11 zingah a palina a ni. Pu Khuangpuma hi Tlangzawl leh a chhehvel khuaa kristian hmasa ber a ni a, 1920 kumah an khuaah A.B.M (Baptist Kohhran) a din a. A fapa hming atan Pathian lam hawia hming sak a duh avangin hla phuah thiam Pu Zahleisuma chu a fapa hming a saktir a, a ni chuan Lalneia tiin a sa ta a ni. Pu Khuangpuma chuan a fapa hming nemnghehna (hlanna) leh Pathian hnena lawmthu sawi nan vawk pa lian tak a talh a. Tlangzawl khaw pum leh khaw thenawm te, ABM kohhran member-te sawmin Rev. Kapdailova (Bawka) hovin ruai an theh mup mup a, an hlim hle. Rev. Bawkan nau leh nau hming (Lalneia) Pathian hnenah a hlan.

2.     Chhungkaw dinhmun

A pute hun atanga chhungkaw hung tak an ni a, a pa Pu Khuangpuma’n pianpui 8 (mipa 4, hmeichhia 4) a nei a. A nu Pi Kulhzingi’n pianpui mi 4, mipa hlir a nei ve bawk. Amah Pu Lalneia pawh hian pianpui 10 a nei a, unau 11 an ni. Chungte chu:

1.      Pi Thachuaii

2.      Pu Sangkhuaia

3.      Pi Bualkaii

4.      Pu Lalneia

5.      Pu Sangkhama (Police L/Cpl Rtd)

6.      Pu Thangkaia

7.      Pu Mangkaia

8.      Pi Ngulpari

9.      Pu Mangkaithanga (Burma Army Rtd)

10. Pu Lianchia (Council Clerk)

11. Tv. Thanhranga

*A pianpuite zinga Pu Mangkaithanga hi a la dam awmchhun a ni.

A pu leh a pate ang bawkin Pu Lalneia hian fanau lamah Pathian malsawmna a dawng nasa hle a. A nupui hmasa Pi Tharohaii (10.7.1963 kuma fam) nen fa 3 an nei a, a nupui hnuhnung Pi Zahleimani nen fa 12 (fapa 5, fanu 7), an vaiin 15 a nei a ni. A fate chu:

1.      Khawneithluaii      w/o Chunglura                         Segyi

2.      Bualmawii (L)

3.      Manglianhranga     h/o Thangmawii                     Tahan F

4.      Siamlianmawii        w/o Pianhlua                          Tlangzawl

5.      Vantharnghaki      w/o San Hmung                      USA

6.      Roneikimi             w/o Ngun Cung Sang              Yangon

7.      Lalpianpuii            w/o Salai Tuan Ling Thang      USA

8.      Khawtuahlala                  h/o Lalthanpuii              Tahan D

9.      Jakoba                            h/o Te Hruaii                 Tahan D

10. Fidel Tlangthanseia                                               USA

11. Methodist Laldinthari      (L)

12. Zoramchhana                                                       USA

13. David Zairemmawia                                             USA

14. Lalkros Engmawii                                                 USA

15. Haulianpari (Emilly)                                               Malaysia

A nupui hmasa a thih tak avangin Zahleimani, Pu Hrangthluara leh Pi Pakchhungi te fanu nen kum 1964 khan an innei a. Pu Lalneia hian tu chhuan khatna 29, tu chhuanhnihna 26, tu chhuanthumna pakhat an nei.  

A TUTE: CHHUANKHATNA 

(Khawneithluaii & Chunglura fate)

1. Vanlalkunga (L)

2. Vanlalchhuangi (Mizoram)

3. Hmingthantluangi (Segyi)

4. Pathian Malsawm Dawngkima (Segyi)

5. Ramdinmawia (Mizoram)

6. Rambuatsaihi (Se Taw Oo)

7. Lalnunpuii (Malaysia)

8. Lalhmachhuana (Tahan)

(Bualmawii & Lalkamlova fate)

9. Laldika (Canada)

10. Lalkaisangi (Mizoram)

11. Juliat Zosiampari (Mizoram)

12. Cherthangpuii (Canada)

13. Lalhmingliana (Indiana, USA)

14. Lalnunringi (Mizoram)

(Manglianhranga & Lalhmingmawii fate)

15. Lalrozami (Tahan F)

16. Lalthanpari (Tahan F)

17. Vanlalsiama (Tahan F)

18. Vanlalruati (Malaysia)

19. Laldinhlua (Tahan F)

(Siamlianmawii & Lalthawmliana fapa)

20. Marcus Lianpuithanga

(Vantharnghaki & San Hmunga fate)

21. Lalrinawma

22. Lalnghakthanga

23. Mary Lalhlimpuii

(Roneikimi & Ngunchungsanga fapa)

24. Andrew Vanrohlua

(Lalpianpuii & Salai Tuan Ling Thang fapa)

25. Ramduhthanga

26. Lalhmingthanga

(Khawtuahlala & Lalthanpuii fate)

27. Vanpuilala

28. Eliza Nunmawia

(Fidel Tlangthanseia & Suineii fapa)

29. Lalawmpuia

CHHUANHNIHNA 

(Vanlalkunga & Laltanmawii fate)

1. Saingura

2. Vanlalruata

(Vanlalchhuangi & Rokima (L) fate)

3. David Buangkhuma

4. Vanlalhruaizeli

(Hmingthantluangi & Rodinga fapa)

5. Zonunsanga

(Pathian Malsawm Dawngkima & Lalnunthari (a) Mi Cho fanu)

6. Lalhruaichhuahi

(Pathian Malsawm Dawngkima & Lalhmasuani fate)

7. Chalremngura

8. Vanlalmihriata

9. Lalmuanpuia

10. Elizabeth Rohlupuii

11. Ester Lalhmangaihzuali

(Ramdinmawia & Lallianpuii fate)

12. Lalhruaitluangi

13. Vanlalawmpuia

(Rambuatsaihi & Tun Ko fapa)

14. Remruatpuia,

(Lalhmachhuana & Lalniengi fapa)

15. Malsawmdawngzuala

(Laldika & Cherry Lalchhanhimi fanu)

16. Abigail Lawmsangi

(Kaisangi & Chhuanawma fapa)

17. Lalhmachhuana

(Juliat Zosiampari & Albert Siamhmingthang-a fate)

18. Brigitte Vanlalneihsangi

19. Angela Vanengmawii

20. Elizbeth Vansangpuii

(Lalnunringi & Malsawmdawngliana fanu)

21. Maggie Lallianmawii

(Lalhmingliana & Zuitei Hauhulh fanu)

22. Lawmsangzuali

(Lalthanpari & B Lalawmpuia fate)

23. Lalsangzuala

24. Lalchhanmawii

(Vanlalsiama & Hmangaihzuali fate)

25. Lalchhanchhuahi

26.  Lalnunhlui

CHHUANTHUMNA 

(Saingura & Edenthari fanu)

1. Vanlalremruati

3.     Kohhrana a Mawhphurhna 

A pain Tlangzawl khuaah ABM Kohhran a  dinna leh a hming Pathian hnena an hlanna chu a hun kal zelah Pathianin a hriatpuinaah a ngaih theih ang. Kalemyo phaiah Tlangzawl khua an din takah chuan ICB kohhranah an awm a. Pu Lalneia chu 12.9.1971 khan Independent Kohhran chuan General Secretary (GS) atan an thlang a. Kum rei tawk ICB kohhranah hruaitu a ni a, chu mi hnuin Methodist Kohhran a din a. Chutia Methodist Kohhran Tlangzawl khuaa an din chu chawiin a fanu hmingah Methodist Laldinthari tiin a sa a ni. Tichuan, a dintu a nih ang bawkin a taksa a chaka a thawh theih lai hun zawng zawngah Kohhran hruaitu dinhmun a chelh ta zel a ni. Pathian hnena lawm thu sawi hi a uar em em a, 1974 kumah fapa phir a neih avangin ruai meuh buatsaihin Pathian hnenah lawm thu a sawi a, 1975 kumah a vawi hnihna  a khaw pum huapin Pathian hnena lawmthu sawina a buatsaih leh bawk a ni.

4.     Mizote tana chhantu 

Kawl phaia Tlangzawl (Ngaung Taw) khua hi Pu Lalneian kum 1952 Jan khan a din a ni. Tin Lushai Hills (tuna Mizoram) atanga lo pem lut te leh sipaia tang ten a ram mi nih ve theih nan sawrkarah an  dil a.  Chu mi finfiah leh enfiahtu pawl Mah Mah Operation chuan kum 1963 khan nasa takin hna an thawk a. Kum 1963 hmaa Burma rama awmte chu a ram mi nihna pek an nih thu leh chu mi hnu lama lo pem luh phal a nih tawh loh thu a hun laia sawrkar chuan a puang a. Kale-kabaw phaia lal tam takin zoram atanga lo pem lut te tan a ram mi nihna atan engmah an tih ngam loh laiin Pu Lalneia chuan zofate thatna tur zawngin huaisen takin, a tul chuan tuar huamin a ram mi an nih theih nan tanpuia hna a thawh avangin , 1963 kum khan Mizoram atangin in 40 lai Pu Lalneia khua Tlangzawl-ah an lo pem luh phah ta a ni.  Ama zarah Tahan leh a chheh velah hian zofate tam tak kan lo awm  thei ta a ni. Chutiang taka zofate chhantu a nihna chu hming chawi chhana hmangin Pu Thanbanglovan Pu Lalneia fapa hmingah Zoramchhana tiin hming a sa ta hial a ni. 

  

5.     Sawrkar Lamah

  A khaw din Tlangzawl khuaah kum rei tak lal hna a thawk a.  Uksuh-ah EC te, thu buai remtu Taya Tugyi te a thawk thin. Tahan-Tuingo kalkawng hi ke kong mai chauh a ni a, motor kal theih nan buatsaih turin a huaihawt a, kawng committee Chairman kum rei tak a thawk. Tin kum 1974 atanga 1978 thleng khan Kalaymyo Township People’s Council Palai (Representative) hna a chelh. Sipaiah kum ruk a thawhnaah infiamna lamah lawmman a dawng thin a, dar bu leh puan thui khawl, medal, etc. te dawng khawpin a titha thin a. Awlsam takin Bel hnih hial a kai hman a ni. Sipai atanga a ban hnuin Falamah People Police hna a thawk turin an sawm a, Police hna a thawk leh ta a. Chutah chuan Wireless Operator hna a chelh a ni.

6.     A natna 

Ka pa natna hi awm chhung lam fel lohna, a tawi zawnga kan sawi chuan chuap that lohna a ni. Hun rei tawh tak kum 4/5 kal ta atanga he chak lohna hi a neih a ni a. Wesley Hospital-ah vawi tam tak kan mu lut a. Tin, Dr Ko Ko Lwin-a hnenah pawh kan enkawl bawk. Tun tum hi Wesley Hospital-ah kan in admit a, doctor te leh nurse te, thawktu ten theih tawp an chhuah a. A natna hi a reia a lo ngheh em tawh avangin khawvel damdawi hmanga in chhan theih a lo ni tawh lo va. Thawktu ten tan la tak leh duat taka an enkawl laiin tukin 5.5.2011 Ninga zing dar 5 khan a chatuan ram min pan san ta a ni.

7.     Lawmthu 

Unau laina leh thenrual tha te, khuapuiten min kanin min ngaihsak em em thin a. A natnaah pawh hian Wesley Hospital-a thawktute kan chungah an thain an fakawm khawp mai. Doctor te, Nurse te leh thawktu dang dang ten tan an la takmeuh va. A nat zual viau hnuah pawh miten min ngaihsakin min thlamuan nasa hlawm hle a, damdawi ina buktute bakah kan in khatin a chhun azanin min awmpui reng bawk . Tin, thlan kuang sia

Ka pa min kalsan tak chungchangah in hun hlu tak kan chhungkaw tan in rawn hlan a. Kan mittui tlakna leh lungchhiatnaah min rawn tawrhpui  a, in hun senga in taksa ngeia min rawn thlamuan avangin kan lawm tak tak a. Kan lawm dan hi tawngkaa sawi chhuah zawh loh a ni. Kan chunga in thatna zawng zawng  hi “Pathianin a let tam taka rulin malsawmna vur che u rawh se” tih hi in tana kan chhungkaw tawngtaina a ni. Kan lawm e.

Khawtuahlala

5.5.2011