Obama President ah an hril sal pei maw?

Vawi 44 nak US President Obama

USA thuanthu ah Midum President an hril vawi 1 nak 2008 kum. US sumdonnak  niam laifang si ih, Obama in sumdonnak kai/thang sal ding thu, hnatuan tamsal ding thu, ziang hmuah2 tuhlan bangin a fehsal ding thu pawl mipi hnenah ka lo tiamkam (i Promised) ti ‘n a sim, zuam a tum zet, cun US President ah an hril, mipi khalin an rinsan nasa

Obama cu former President Bush thawn cun an tanaw zet. Bush cu Hmailam ih a ra sal thei ding thil ruat ciamciam dah lo in, a thinlung um mi vawi le khat ah a tuah nghal theu ruangah Cowboy President tin an ko. Obama cu ruat ciamciam in thil a tuah theu, fimzetin  cathiam tawngkam mawi hmangin atawng theu, ti'n mi tampi'n an hmu. Curuangah Politic lam ngaihsak lo thangthar mino tampi politic lam thinlung put nei dingin an sim thei.

Kum 3 a rei hnu ah ramsungah sumdonnak le a niam ringring lai, hnatuan nei lo len an tam thotho fawn, a mah duhtu mi tampi an beidawng zet, curuangah hmai kum hrilawknak ah a tling sal thei pei maw? Mipi nih ziang tin an hmu? Kum 3 sungih a hnatuan mi mipi nih ziang tin an ruat? Mi hrekkhat cun an saduhthah vek a rak si lo thu an sim, hrekkhat cun a tuah thei mi zaten a tuah nan Congress pawlin an dang theu ruangah si an ti. Si e, Democrat le Republican kar lakah an thutluknak zohpitu Congress a um ko, thudik si.

Obama President an hrilnak san cu, thluak fim ten thu thaten ruatin fimkhur zetin thil a tuah theu ruangah le fim zetin tawng a thiam, sumdonak kaisal dingih  a thutiam/promised mi vekin a tuah thei ngaingai an zum ruangah si. Tuah cun, a thu tiam le nuam ciamciam ih a thu ruat mi in mipi thathnemnak a pe thei lo ti’n an hmu sal lala

Bush cun, US mipi pawl Iraq ral lakah USA ralkap pawl tlu-sia ding nan hmu ngam maw si? neh tengteng dingin ka kap ding tin thu tluknak a tuah mai. Obama cun rampi thangsonak dingah thu tlukank felzet ih tuah lo in, a sual pang kha le a mah lawng mawhphur lo dan a hawl ttentto.  A can ah cun US President (asinak) thawn rorei lo in, mipi dinhmun vekin ro a rel, an ti.

African American midum, Ralkap lamih sum kiltu (Chief Financial) pakhat hnatuan tla/lay off, thusuh mi, keimah vek midum US President na tuan ding cu lung kim zetin ka rak lo ttawi-awm nasa i, sinan, khui ah US a thangso sal ding, ziang hmuah2 tuhlan vekin a feh kir sal ding na ti mi, na promised? Obama – Ka zuam, ka zuam rero lai tin a thu suh mi let sal. Obama in kan sum hman mi budget niam deuh in, mal deuh in kan tthum kei, cun Milian pawl hnenah tax tam deuh in kan lak ding cula kan leiba pawl kan rul sal thei ding, a ti. Cun, US sumdongak kai sang vivo ding cun milian pawlin an tangka an hman a tul a ti. Mrs. Clinton in, Republican milian pawl nan tangka hmang hram uh, USA mipi nan ruat lo, nan mai hrang lawng nan ruat, nan duham tuk ti’n a sim bet. US ah Billion Milian (Billionaires) 400 hnakih tam an um, cui lakah a tam sawn cu Republican an si.

Republican pawlin, 2009 kumah Obama in $ 1.415 trillion lai a hmang nan  hnatuan ngah sal 130,000 (9.1 percent,) lawng an si, hnatuan nei lo 14 million an um lai, tu $. 447 billion a hmang sal tla le vut-nel lakih tidai tawih vek a si pang ding an ti. US President thuanthu ah sum lut hnakih sum suak/hman tam, sumpai hman tam lam ih hminsia a pa 3 nak Bush bangin, Obama khal a pa 4 nak ah ngan/record a theih zik te thlang, an ti.

Kum 1 atang lai, thil tampi a thlengaw thei lai, let’s see.

Na rak siar i ka lugnawi.

Umharphen ah famteh

Fidel.

Rank	Country/Region	Number of billionaires[1]	Share of world total (%)	Billionaires per 10M	Category
—	World total	1210	100.0	1.7
1	United States	412	34.0	13.2	American billionaires
2	People's Republic of China	115	10.6	0.9	Chinese billionaires
3	Russia	101	8.3	7.1	Russian billionaires
4	India	55	4.5	0.5	Indian billionaires
5	Germany	52	4.3	6.4	German billionaires
6	Turkey	38	3.1	5.2	Turkish billionaires
7	Hong Kong	36	3.0	51.0	Hong Kong billionaires
8	United Kingdom	33	2.7	5.3	British billionaires
9	Brazil	30	2.5	1.6	Brazilian billionaires
10	Japan	26	2.1	2.0	Japanese billionaires