Umnak Nei Lo Mi Harsa Pung vivo

Umnak Nei Lo Mi Harsa Pung vivo

Kawlram ah, Kawl Ralkap le Kachin Independence Organization (KIO) kahawknak ruangah umnak nei lo miharsa, Raltlan (Refugees) mi 32,000 cuang an um zo. Hi raltlan pawl hi ei ding le umnak ding an harsa zetih, a bawn theithei cun bawm uh, ti ah bbcnews in tuni ah a puang. Kachin Raltlan pawl bawm dingah Free Funeral Services Society (FFSS) Hotu U Kyaw Thu khal Myint Kyi Na a thleng ve. U KyawThu in a sim mi cu, China ram le Ba Maw khawsung lamih tlan pawl cu run/bawm an tong, sinan Ram/Jungle ah nauhak le nunau tampi tlan an um tih kan thei nan kan run thei lo, feh an phal lo, cun zanah tla vak an siang lo, tiah a sim.

Kawl Ralkap le KIO pawl hi tukum June thla ihsi an kapaw thawkih tutiang, vawi 700 hnakih tam an kapaw zo, mi tampi thi, mi harsa Thawng 30 cuang an um phah. Raltlan pawl cu Christian Tlawng ah le Phungki Tlawngah hmun 30 hrawngah an um hi, hmun 1 ah mi 500 tlun an um.

Tui Dec 10 (Saturday) ah Myanmar Peace Committee pawlin Ethnic Areas ih harsatnak, (a hleicein Kachin) hrang rel khawmnak nei ding, ti'n an Hotu Bauk Ja (Chairman) in a sim. Hi ni ah Daw Suu Kyi, NGO members, economists, ethnic leaders, religious leaders, peace activists, artists and writers, mi 70 lai an tel ding. An rel theh ah KIO Hotu pawl an tawng dingih, Sokar Hotu lam khal tawn an tum.

Nov 29 ah khan Kawl Sorkar le KIO upa pawl cu China ram Yunnan Province , Sheweli um Hotel ah Remnak thu relin 2 hours lai an meeting zo nan, an remaw thiam lo.

Phawt's