Kawlram ah Thawngtlak Ding Caan Thum niam sak

Kawlram ah tui Wednesday Jan 4, Independence Day ah Thawngtla pawl Cozah in a suah ter ding tiah mi tampi in kan rak zum. Asinan, Thawngtla pawlcu suahter lo in an tan/tlak ding caan a tthum niam sak, a tawi/mal ter (cuts prison terms) ti'n MRTV4 in tuizingah a than. Thawngtlak ding caan Kum 20-30 pawlkha kum 20 ah an tthum sak, Kum 20 tang pawl kha 1/4 (Quarter) ah an tthum, Kum 30 tlun cuang pawl kha kum 30 ah an tthum, Cun thah/khaithah ding pawl kha damsung thawngtla dingah tthum sak an si. Lungthlitum vekcu a si lo, neta ah an suak le ko ding tih zumnak a um.

Iran & Nuclear Ralthuam

Iran Sokar  in Nuclear Ralthuam cakzet a tuah rero laimi thu ah thangso vivo in, hlawhtlinak a neih thu a puang. Nuclear an tuahnak hmunpi Tehran ih Reactor hrangah an hman ding Uranium Fuel Rod timi khal cu san/tested nak nei'n, atthat thu le an hlawhtlin zo thu an sim. Cun, Nuclear Rocket/Missile an tuah mi khal an duhnak vek an kah ngah thei zo thu, Iran News Agency in a sim, tiah cnnnews in tuni ah a puang. USA Cozah in Iran cu Nuclear Ralthuam atuah ruangah sumdongak kharsak dingin mani Saturday ah a hminsen/sign zo. Iran cun thatlonak ah hmang lo in, remnak le dainak ah kan hmang sawn ding, tiah an sim ve.

Kawlram ah Petrol Man Kai

Kawlram, Yangon ah kum thar ni khat, Sunday ihsin Petrol (US gasoline, gas) man 30% in a kaiso vukvi, ti'n voanews in tuah a puang rero lai. Gallon khatah Ks.2,500/- sitheu kha tucu Gallon khatah Ks.3,350/- in Cozah dor pawlah an zuar, ti asi. Asinan, Diesel & CNG man cu a danglam hrih lo, tiah a sim bet. Alianciami kum hnih hrawng ihsi khan Cozah Petrol cu private/ bulpak zual siannak ape zo nan aman/price cu cozah in akai bet lai thotho ti asi. Kum thar ah Electric Meter Unit man alet hnih in kaiso ding thu, kum top zikah an rak sim cia zo nan, mipi lungkim lo au-awn le phun a tam tuk ruangah, tuah siloin nuamten a kaiso sal le ding tiah, an ti.

Kumthar 2012, Hmu Hmaisabik Ram & Danglamnak

Leitlun ah Western Samoa in Kumthar 2012, January ni khat a hmu/hmang hmaisabik, ti'n bbcnews in tuzingah a puang. Samoa cu South Pacific Ocean, Samoan Islands ih um, 1962  kumah New Zealand ihsin independent an ngah. Cun, Universal Tim  (UT) in, International Date Line (IDL) a hmailam ih a ret ttheu mi kha a dunglamah an cer sak ih December 29 theh in December 31 ah a peh cih, December 30, 2011 an nei lo. Curuangah Ramdang hnakih darkar 13 (hours) in a tuan, Kumtin Kumthar lawmnak puai a netabikih hmang theu kha, tui kum ah cun a hmaisabik ah an hmang ngah ta riai, ti asi.

Insang Khat ih Mipum Tambik

Tulai Leitlun ah Pu Ziona tei Innsang hi Sungkaw khat/ Insang khat, ah cun mipum an tam bik men ding tiah, dailymail.co.uk/news in tuzingah a ngan. India Mizoram, Baktawng khua ah an umih Pu Ziona in Nupi 39, fa 94, Mo 14 & Tu 33 a nei, an zaten 181 an si, t'in news cun a sim bet. An vawikhat rawlei dingah Buhfai 220lb,  Hanghnah hangrah 132lb le Ar pum 30 a ttul, cun an cennak Inn ah Room 100 a um, ti a si.

Thematically !!

1 x 8 + 1 = 9 

12 x 8 + 2 = 98 

123 x 8 + 3 = 987 

1234 x 8 + 4 = 9876 

12345 x 8 + 5 = 98765 

123456 x 8 + 6 = 987654 

1234567 x 8 + 7 = 9876543 

12345678 x 8 + 8 = 98765432 

123456789 x 8 + 9 = 987654321 

1 x 9 + 2 = 11 

12 x 9 + 3 = 111 

123 x 9 + 4 = 1111 

1234 x 9 + 5 = 11111 

12345 x 9 + 6 = 111111 

123456 x 9 + 7 = 1111111 

1234567 x 9 + 8 = 11111111 

12345678 x 9 + 9 = 111111111 

123456789 x 9 +10= 1111111111 

9 x 9 + 7 = 88 

98 x 9 + 6 = 888 

987 x 9 + 5 = 8888 

9876 x 9 + 4 = 88888 

98765 x 9 + 3 = 888888 

987654 x 9 + 2 = 8888888 

9876543 x 9 + 1 = 88888888 

98765432 x 9 + 0 = 888888888 

1 x 1 = 1
11 x 11 = 121
111 x 111 = 12321
1111 x 1111 = 1234321
11111 x 11111 = 123454321
111111 x 111111 = 12345654321
1111111 x 1111111 = 1234567654321
11111111 x 11111111 = 123456787654321
111111111 x 111111111 = 12345678987654321