Kawlram, mi 1467 in Flu natnak nei

Kawlram, Kayin State, Hpa Pum Myone ah raibur (influenza) khawsik luna  a um ciamco ih, natnak  nei mi 1,467 an um ti’n, BPHWT in an sim. Influenza-like illness (ILI) natnak an tuar dan cu khawsik luna, taksaa, ruhfep, hnar le dang naa a si. Khaw 10 um mipum 2090 sungah mi 1467 in hi natnak an nei, tlawngta nauhak  mi 400 hrawng telin. Curuangah, khaw khat le khaw khat veh pawh aw hrih lo dingin an khap ih, nauhak tlawng khal an pit ttheh, ti a si. Hi natnak ihsin natnak dang a kai awl zet ih, Sep 17 ah khan Namuniya natnak nei mi 5 an damter ih, pakhat a thi.