Kawlram ah kum
kim hrihlo, nauhak Ralkap hnatuan an rak tam zet hmang. Cucu, ILO (International
Labor Organization) a lungkim lo ih can reipi ihsi khan Ralkap cozah a rak DO zo, tuah
cun a hlawhtling rero thlang a bang. Kandung tlawngkai nikhat ah Yangon Hlang Myone
um Ralkap burpi (military hosted) i sin, mi 42 cu an nulepa hnenah an tlungter
sal.
ILO officer Steve
Marshall cun tui ttum hi ttum khatah cun an tlugtersal tam bik ttun a si, ti ah
a sim. Nauhak Ralkap pawl hi kum 15-17 an si ih, 2009 kum ah an nulepa 86 in ILO
hnenah lungkim lo nak thu an ra rel, cun 2010 kum ah mi 93 & kan dung kum
ah mi 50 hrawng cu an nulepa hnan ah an tlungtersal, a ti.
Nauhak kum kim
hrih lo pawl cu Ralkap ttuan ding an si lo, hna ttuan ding khal an si hrih lo fimthiamnak
zirin, tlawngkai ding an si, ti ah a sim bet. Maj-Gen Tin Maung
Win (office of the commander-in-chief, Army) khal suahkhomnak hmun ah a tel ve
ih, a lungkim zet, ti a si.
No comments:
Post a Comment