Kawlram, Monywa, Letpadaung tlang ah Dar-sen (copper mine) khurlai
in Chinese Wan Bao Mining Company le Union of Myanmar Economics Holding Ltd
pawl kop pawin thla hnih lai rei ah khan hnatuan an thawk zo. Cumi thu ah letpadaung
tlang kiangkap um khawte 26 pawl an lungkim lo ih Lamzawhnak nei in,
san-dah-piah ciamco. Darsen khur laihnak ruangah loram E-ka 8000acres hrawng
laksak an si ih hlei ah khawte khaw hnih cu umnak cerin Phungki tlawng ah an um.
Khua 26 pawlin kan loram in pek sal uh, Letpadaung tlang kan Pathian biaknak
tlang in pek sal uh, kan harhdamnak hrang khal ah a ttha lo, kan khua nan ti
bal ttheh, ti’n an hnattuan cawl/titawp dingin an dil.
Sagaing
Region Chief Minister Thar Aye cun kan hnattuan lai cu kan ti-tawp thei lo
ding, sinan nan lungkim thei nak dingin thu tha ten kan rel tlang sawn kei uh ti
ah, Wednesday ah khan a sim hai. Lamzawh mi pathum an kaih mi Sagaing thawnginn
ihsin an suah zo, cun mani Sep 14 tiang kha cu dandahpiah rero lai a si. NLD
upa le 88 Generation students pawl thawn meeting nak nei in mipi ttanlak rero
lai a si, dungsip an tum lo lawlaw.
No comments:
Post a Comment